SHILLONG: U Myntri Rangbah ka jylla u Conrad K Sangma ha ka sngi Balang u la kam ba ia ki kamra ka Meghalaya House ha Kolkata la ai sha u nongthep tender uba khlieh dor ba kham tam. Ka sorkar ka la khot tender hadien ba ki kamra jongka kila sah khongreng la bun snem khlem pyndonkam.
Lah ban kdew ba ka Voice of the People Party (VPP) ka la ujor ia ka jingai ka sorkar ia ki kamra sha ka M/S Dhar Company ban shong ha katei ka ïing ka Meghalaya House ha Kolkata.
Haba kyntait ba ka don kano kano ka jingleh sop sop halor kane, u Conrad u la ong ba kito kiba kynnoh ki dei ban wad ia ki jingshisha. U la ong ba ha kine ki 15 snem kane ka kamra ka la shu sah kumto khlem pyndonkam bad kane ka la wanrah ka jingduh nong da ki klur ia ka jylla bad dei na kane ka daw, ba ka sorkar ka la pyrshang ban pynbeit ha u snem 2019 da kaba pyndonkam ia ki kamra ba thylli na bynta ka jingioh nong ka jylla.
Ia ka kamra ka Meghalaya House la ai sha uba khlieh dor heh tam: Conrad
