SHILLONG: Mynnin ka sngi 19tarik kaba ki nongkitkam ka HYC Ri-bhoi District , ki la leit ban jurip ia ka building ka Residential School, kaba la sahteng mynta la kum ba 10snem ha shnong Mawtari Myrdon, Ri Bhoi, ki la pynpaw ia ka jingbynniaw halor ka jingpynsahteng ka sorkar ban pyntreikam noh ia kiba kum kitei ki skul, ha kaba ki la pynpaw ruh ba ka sorkar ka la dei ban pyntreikam noh ia kitei skul khnang ba kan long ka jing myntoi iaki paidbah.
Bad katkum ka jingioh jingtip Jong ka seng , ba kiba kum kitei ki Building ki don kumba 19 tylli ei ei ha ka jylla baroh kawei bad tang ha Ri Bhoi District ki don haduh lai tylli, kiba kum kitei ki Building kata Mawtari Myrdon kaba hap hapoh Umsning Block, ha Nongrim Synjai kaba hap hapoh ka Umling Block bad kawei pat hapoh ka Jirang Block, bad ka seng kan sa leit jurip ruh iakitei skul ban tip bniah la ki lahdep plie ne em namar kum ba ka long ha mawtari myrdon ka jing sngew bynñiaw shibun eh na katei ka Building kiba la shna ka klem dep pura , hynrei ki la shu sahkut beit tang shiteng khlem da lah ban pyndep lut bad mynta lei ka la kylla khlaw.
Ki nongialam ka HYC ha Ri Bhoi, kiba kynthup ia u President HYC Ribhoi Dist Bah Hercules Suting u Secretary HYC Ribhoi dist Shemphang Masharing, ki la ong ba ka sorkar ka dei ban pyntreikam beit ia kitei ki Residential School bad ki la buh jingkylli ruh ba balei ka sorkar ka pynslem ban pyndep iakatei ka skul kaba naduh u snem 2012-2013 ka dei ruh naduh ka sorkar MUA-2 ba lam khmat da u Dr Mukul sangma kum u Myntri Rangbah ha katei ka por.
Ka seng ka pynpaw ruh ba ka jing bym lah pyndep iakatei ka skul ka pynduh jing myntoi shibun iaki samla wadkam wad jam namar lada ka sorkar ka pyndep noh kiban thep Kam nonghikai kan sa don ha post ba pher ba pher.
Haba iadei bad ka jingbym pat lah ban pyntreikam ia katei ka Residential School, ki nongkitkam ka HYC ka la shim ia ka rai ba kin sa leit ban kynduh ia ki bor bahalor, khnang ba ka jingkhmih lynti ki paidbah ban ioh pynleit skul khun ha katei ka jaka kan urlong.
Lap ka HYC ba sop ñiut ki Residential School ha Ri-Bhoi
