SHILLONG: Ki Pulit ka Jylla ha ka sngi Balang ki la ioh kem ia 7 ngut ki briew ba la kynnoh ba ki dei ki dkhot jong ka seng kiengatiar bathymmai kaba la tip da ka National Liberation Council of Nongkyndong (NLCN), bad napdeng kine ki 7 ngut uwei u dei u khynnah ba dang rit ka rta.
Kham hadien kila ioh ban kem shuh sa saw ngut bad kiba shah kem kila kot sha ka 11 ngut haduh mynta kynthup kawei ka longkmie.
Katkum ka kyrwoh khubor na ki pulit la iathuh ba hadien ba la ioh jingtip b aka don kawei ka kynhun kiengatiar ba la thaw thymmai da katto katne ngut ki samla, ha kaba la iateh ruh bad ki kynhun seng lehnoh na Nagaland ban pyntbit ha ki kam kieng atiar, na ka liang ki pulit ki la pynlong ka jingkhynra bad la ioh ban kem ia kitei ki 7 ngut.
Ka khubor ka iathuh ruh ba ia ki dkhot jong katei ka seng bathymmai la thmu ban phah noh lashai ka sngi, ka 17 tarik Nailar sha Nagaland ban shah hikai ha ki kam pyntriem.
Na ka liang ki pulit ki la register case pyrshah ia kitei ki briew ha Crime Branch Police Station, Eastern Range, Shillong bad la pynngat kyndon hapoh ka Indian Penal Code bad ka Unlawful Activities (Prevention) Act. Kiba la shah kem noh ha ki pulit ym pat shim la ioh satia ia ki kyrteng, hynrei la iathuh ba ki kynthup ia u Chairman, u Commander un Chief, u General Secretary bad u Area Commander ka West Khasi Hills, Area Commander ka Jaintia Hills bad 3 ngut kiwei pat ki dkhot.
Katkum ka khubor la iathuh ba ki pulit ha ka jingkhynra ia ka jaka ba la ioh kem ia kitei ki briew, ki la ioh ban kurup ia ki tiar pynbthei, ki kot ki sla bad ki mobile phone, bad na ka liang ki p;ulit ki dang thwet ia kiwei pat ki dkhot katei ka seng bad ka jingtohkit ruh ka la iaid.
Ha kawei ka liang, ka jingtian bishar ia ki dkhot ka National Liberation Council of Nongkyndong (NLCN) ka la bteng, bad ha ka sngi Thohdieng jong ka taiew ki pulit ialam ia 3 ngut ki dkhot jong katei ka seng sha Kashari District Court kaba don ha Shillong, kaba la pynmih ruh ia ka hukum ba kin don ha kti ki pulit na ka bynta ban tohkit. Kine ki 3 ngut la iathuh ba kidei kiba la shah kem na Jowai, West Jaintia Hills.
Katkum ka khubor ba la ioh la iathuh ba haduh mynta 11 ngut ki dkhot jong katei ka seng ki la shah kem noh ha ki pulit, ba kynthup ia u khynnah ba dang pule klas X, uba la kam ba udei u chairman jong katei ka seng ba thmu ban leh ia ki kam pyntriem da ka jingiatrei lang bad ki seng lehnoh na Nagaland.
Ki Pulit ka Jylla ha ka sngi Balang 16 tarik ki la ioh ban kem ia 7 ngut ki briew ba la kynnoh ba ki dei ki dkhot jong ka seng kiengatiar bathymmai kaba la tip da ka National Liberation Council of Nongkyndong (NLCN), bad napdeng kine ki 7 ngut uwei u dei u khynnah ba dang rit ka rta bad kawei ka longkmie, bad hadien ka jingkhynra ki pulit ki la bteng ban kem biang hynne ka Sngi Palei na ki thaiñ Khasi bad Jaintia Hills.
Poi sha ka 1 ngut kiba shah kem ba thaw seng kiengatiar
