SHILLONG: U Lat ka jylla u la soi ban mynjur ia ka jingpynkylla ia ka Market Act ne ka Ain Iew kaba la mynjur ka dorbar ka KHADC ha u snem 2021. La ioh ia ka jingmynjur ha ka 26 tarik Naitung 2023.
Lyngba jong kane ka Ain, man la ki iew kin don ka sub-committee kaban khot kum ka market managing Committee ha kaba ki dkhot king lang ki nongdie, ki nongrep bad ki mahajon. Kane ka sub-committee ka don ka bor ban pynbeit ia kino kino ki jingiapher jingmut hapdeng ki nongdie, ki nongrep bad kiwei kiwei ki kam. Ka dei ruh ban don ka register, ban buddien ia ki trai dukan bad ban phah record sha ka Executive Committee man la u snem.
Ka Grace Marry Kharpuri ka EM ba dei peit ia ka iew ka la ong ba kane ka Ain kan iarap shibun ia ki nongrep namar ba ka la kren shai ba ka District Council lane ka Executive Committee ka lah ban buh ia ka dor bad kan ym don shuh ka jingot kilo ia ki mar rep.
Soi u Lat ia ka Ainrew Iew ka KHADC, ym don jingot kilo shuh ia ki mar rep
