SHILLONG: Ka Executive Committee ba thymmai jong ka KHADC hapoh ka jingialam u Chief Executive Member u bah Pyniaid Sing Syiem ha ka 17 Tarik Nailar 2023 ka la leit ban ia kynduh ia u Lat ka jylla u Pagu Chauhan ha Raj Bhawan, Shillong ban ai khublei halor ka jingai jingmynjur jong u ia ka Khasi Hills Autonomous Regulation and Control of Market Act 2021 kumjuh ruh ban iakren ia kiwei de ki mat ba kongsan jong ka Council.
Ka kynhun ki EM kala iawer ruh ia u Lat ban wan iadon bynta ha ki prokram ka Council kiban sa long ha ki sngi ban wan.
Haba kren Sha ki lad pathai khubor u bah Pyniaid Syiem CEM Ka KHADC u la ong, kane ka act ka long kaba donkam bha haba phai sha ka jinglong kyrpang jong ka KHADC hapoh Meghalaya kaba bat ia ka riti dustur ban peit ruh ia ka iew ka hat. Kane ka mat ba ka KHADC ka peit ka don jingiadei ka ba jan bha bad ki paitbah jong ka jylla.
Ka la iakren ruh ia ki ainrew kiba shah pynphai ba un ai ka jingmynjur mar ia dep pynbeit ia ki.
Ha ka juh ka por u bah Pyniaid Syiem u la kam ba kane ka jing ai jingmynjur jong u lat ia kane ki Ainrew ka long ka jingjop jong ka Council ha kaba ka la ioh ban bat ia kane ka act bad ruh ia ka Land Act.
Leit khot ka EC u bah Pyniaid ia u Lat ban iadon bynta ha ki prokram ka Council
