SHILLONG (PIB Delhi): Ha ka jingai jingkren na ka Red Fort ha ka lyngkhuh sngi ioh jinglaitluid kaba 77 mynta ka sngi, u Myntri Rangbah Duh, u Narendra Modi u la ong ba ka Sorkar ka dang iatrei lang bad ki Self Help Group (SHG) jong ki jongkmie da kaba thmu ban don 2 klur ngut ki ‘Lakhpati Didi’ ha ki shnong. U Myntri Rangbah Duh u la ong ba 10 klur ngut ki longkmie mynta ki iadon bynta bad ki Self-Help Group jong ki longkmie.
“Ha ki shnong mynta, ki briew ki lah ban shem ia ki Didi ha ki Bank, ha ka Anganwaadi bad ka Didi kaba pynbiang ia ki dawai dashin.”, la ong u Modi.
U Myntri Rangbah Duh u la kren shaphang ka agri-tech bad u la kyntu ban pyndonkam ia ki lad kiba don ha ka science bad ka teknoloji ha ka jingkyntiew ia ki jaka nongkyndong. U Myntri Rangbah Duh u la ong ba 15,000 tylli ki Self-Help Group jong ki longkmie kin ioh jinghikai ban pynher bad maramot ia ki drone. Ka “Drone ki Udaan” ka dei ka ban pyntreikam da kine ki Self-Help Group jong ki longkmie, la ong u Myntri Rangbah Duh.
Ka thong ka dei ban don 2 klur ngut ki Lakhpati Didi: Myntri Rangbah Duh
