SHILLONG (PIB Delhi): Ki Kynhun tynrai kum ki durbar shnong ha jylla Meghalaya ki don ka bynta kaba kongsan ha ka imlang sahlang jong ka jylla Meghalaya bad ka ioh ka kot, ha kaba iadei bad ka jingpynneh pynsah ia ka mariang bad ka jingai jinghikai shaphang ki rukom kiba lah ban iaineh.
Ki dustur tynrai kum ka jingpynneh pynsah ia ki ‘law kyntang, ka jingiada na ka jingpyndonkam pathar ia ki jingdon jingem ka mariang kum ki khlaw, ka jingpynneh ia ki umpohliew bad kiwei kiwei ki tyllong um, ki ain tynrai kiba khang ia ka jingpyniap ia ki mrad khlaw kidei kiba iarap bha ban iada ia ki jingdon jingem ka mariang.
Ka Sorkar Meghalaya ka ladep ithuh ia bun ki ‘law kyntang kum ki Community Reserve hapoh ka Wildlife (Protection) Act, 197. Kumjuh ruh, ki skhim Integrated Development of Wildlife Habitats bad Compensatory Afforestation Fund Management and Planning Authority (CAMPA) ba bei tyngka da ka sorkar pdeng ki la wanrah ka roi ka par sha ka imlang sahlang da kaba plie ki lad kamai jakpoh na ka bynta ki nongshong shnong.
Ki jaitbynriew ha ka thain bad ki kynhun tynrai ha Meghalaya ki iadon bynta ha ka jingsaindur ia ka roi ka par, ka jingai jingkyrshan ia ki Village Employment Council, ka jingithuh ia kiba dei ban ioh jingmyntoi ia ki prokram bapher bapher jong ka sorkar, ka jingdon ka jaka shnong na ka bynta ban shna ia ki projek, ka jingpyniaid ia ki jingdon jingem jong ka imlang sahlang bad kiwei kiwei na ka bynta ka roi ka par jong ki jaka riewlum ha ka jylla.
Ia kane ka jingtip la ai da u Myntri Sorkar Pdeng ba dei khmih ia ka Tnat Development of North Eastern Region u G. Kishan Reddy ha ka jubab ba shu thoh ha iing dorbar thawain Rajya Sabha mynta ka sngi.
La iathuh ka sorkar Meghalaya ia bun ki ‘Law Kyntang’ hapoh ka Wildlife (Protection) Act, 1972
