SHILLONG 05, Nailar: Ka rally ba jar jar kaba la pynbeit ka Catholic Association of Shillong ka long mynta ka 5 tarik u Nailar 2023, na ka bynta ban khot biang ia ka jingsuk hapoh ka jylla Manipur.
Kane ka rally ka sdang na Madan Iewrynghep, Laitumkhrah hajan Fire Brigade bad yn pynkut hapoh Don Bosco Stadium, Laitumkhrah, Shillong.
U nongialam ka Balang Katholik u bah JA Lyngdoh ula ong ba ka jingthmu bad ka mat jong kane ka rally ka long ban duwai na bynta ki lanot kaba la mih na ka jingiakynad ha Manipur bad ban wanrah biang ia ka jingsuk. Ula ong ba ha kane ka rally ym tang kiba dei na ki Balang Khristan hynrei kiwei ki bym dei ki Khristan ruh kin shim bynta lang.
Ka rally paidbah kaba la khot ka Catholic Association of Shillong kan phah ia ka jingthoh sha ka President ka Droupadi Murmu ba kan tuklar mardor ban wanrah biang ia ka jingsuk ha jylla Manipur kaba la Klang ka jingiakynad la lai bnai eiei mynta.
Ia ka jingialang la pynlong ha Don Bosco stadium, Laitumkhrah ha kaba la wan iashim bynta ki paidbah na ki kynhun bapher bapher bad ka jingduwai na ki nongialam Balang Khristan.
Ka rally ba jar jar ha Shillong ban khot biang ia ka jingsuk ha Manipur
