SHILLONG: Ki nongialam jong ka North East Students Organization kila kynduh ia ki nongialam jong ka jaitbynriew Meitei bad Kuki ha Manipur shi bynt ban khot biang ia ka jingshong suk shongsaiñ hapdeng ka jingiakynad kaba la Klang kumba lai bnai eiei mynta.
Ki nongialam ka NESO hapoh ka jingialam u Chairman bah Samuel Jyrwa, bad kiwei kila sakhi ia ka jingkordit ba kine ki ar tylli ki jaitbynriew kila mad na kane ka jingiakynad.
Ha ka jingleit jngoh jongki mynta ka taiew, kila ioh ban iakynduh ia ka Lat katei ka jylla, ia ki nongialam jong kine ki ar tylli ki jaitbynriew bad kila krih bun tylli ki jaka kiba shah ktah.
Kila jngoh ia ka Moirang, Bishnupur, Imphal, Churachandpur, Moreh, Tengnoupal, Lamka, Lamka bad kiwei ki jaka.
Katkum ka khubor na ki nongialam ka NESO, ka All Manipur Students Union kala kular ba kan ym pynmong ne buh jingeh ia ki samla pule kiba la phet ba kin wan phai biang bad kan ai ka jingkyrshan ia ki jingdonkam jongki ba kin wan phai biang.
Kynduh ka NESO ia ki nongialam, Meitei, Kuki ha Manipur ban khot biang ia ka jingsuk
