SHILLONG: Ka shnong Lawsohtun ka la ujor ha ka Deputy Commissioner ka East Khasi Hills ban pyntreikam ia ka bor ban pynthikna ba ka jaka ha Mahadev Khola kaba hap hapoh jaka jong ka tnad Khlaw ka jylla, ka la long kum ka ktem kam sniew namar ba ki briew kila rung kila mih katba mon.
Haba kren sha ki lad pathai khubor mynta ka 4 tarik Nailar 2023, u Rangbah Shnong ka Lawsohtun u H Rynjah u la ong ba ka Mahadev Khola kam hap ha ka shnong Lawsohtun. U la ong ba ka Mahadev Khola ka don 36 hajar square feet bad ki briew kiba don hangto kila pyrshang ban tei ia ki ïing ba heh. U la iathuh ba mynshwa ka la don ruh ka jingshah tied u samla ka shnong Lawsohtun uba shah tied ha katei ka jaka.
U bah H Rynjah u la iathuh ba ka DC ka la kular ban shim khia ia kane ban leh ia kaba donkam ban leit jurip ia kane ka jaka.
Ka Mahadev Khola ka ktem kam sniew, ujor ka Lawsohtun ha DC
