SHILLONG: Kumba shi hajar ngut kiba la pyndep ha ka kam pule ha ka Nursing kila wan ban iashim bynta ha ka iew wad kam ne ka Job Fair shabar ri kaba la long mynta ka 4 tarik Nailar 2023 ha Shillong.
U Myntri Rangbah ka jylla u Conrad K Sangma u la ong ba kane ka dei ka sienjam kaba la shim ka tnad ka koit ka khiah ka jylla ban pynioh kam ia ki samla kiba la pyndep ha ka jingpule ha kane ka Nursing ha kaba ka sorkar jylla kan jied ia kiba tbit bad kan ai jingkyrshan 50 hajar ha ka jingshah hikai.
Kane ka wanrah ia ka jingkylla ha ka jingim jongki samla ha ka ioh kami oh jam bad u la ai khublei ia ka myntri ka tnad ka koit ka khiah ka kong Ampareen Lyngdoh kaba la plie ia kane ka lad bad yn sa pynlong ha Tura ruh ia kaba kum kane ka prokram.
50 hajar yn bei ka pisa ia kiba shah pyntbit ban ioh kam Nursing shabar ri
