SHILLONG: Ka Mawlai SC ka la rah ia ka nam lahduh jong ka lympung ialehkai Women’s League 2023 jong ka Shillong Sports Association kaba la long ha madan SSA Stadium ha First Ground, Polo ha kane ka sngi Saitjain.
Ka Mawlai kaba la rah ha ka sien baar jong kane ka lympung ka la jop da 3-1 ia ka Laitkor SC ha ka jingsakhi da ki hajar ngut ki nongpeitkai.
Ka Sunalinda Iawren (15′), Charlinda Nongtdu (40′) bad ka Ideibanri Kharpan (50′) ki thep kol ia ka Mawlai katba ka Iawanlang Nongbet (36′) ka la thep ia ka Laitkor.
Ka kongsan ha kane ka sngi, ka Director ka tnad ialehkai ka kong Isawanda Laloo IAS, kaba la aiti ia ka khusnam pisa ba T. 30 hajar sha kaba jop bad T. 18 hajar sha kaba shah rem.
Ka nam Best Goalkeeper ka leit sha ka Priyanka Latam ka Lumparing SC, ka Nisilia Majaw ka ioh ia ka nam Player of the Tournament na Laitkor bad ka Sunalinda Iawren jong ka Mawlai ka la khur ia ka khusnam Player of the Final.
Rah biang ki thei ka Mawlai ia ka nam lahduh
