SHILLONG: Ka KSU West Jaintia Hills ka la noh synniang ia ka St. Thomas Lower Primary School, Mooluber da ki tin sop ha ka jingiaid lynti jong kane ka skul sha ka 10 snem.
Ia ka jingnoh synniang, la don lang ka trai jong kane ka skul ka kong Minphik Laban bad kiba haiing ha sem katba na ka liang ka KSU la don lang u Chanbor War Vice President, Samla Phrang Law Vice President Ka Laskeiñ Circle bad kiwei de ki dkhot jong ka Seng.
Kane ka Skul ka la ai ka jingshakri la 10 Snem tam ha kane ka thain kaba don markhap bad ka Assam bad ki don 6ngut ki Nonghikai bad 85 ngut ki Khynnah skul kiba pule naduh ka KG haduh klas Vi.
Ka Seng ka la kitbok kitrwiang ia ka kong Minphik Laban kaba la mih shakhmat ban Seng ia kane skul kaba ai ka jingkyrkhu ia ki hep kiba rit kiba lah ban wan ioh ka jinghikai kaba biang ha kane ka Skul.
Ha kajuh ka por, ka trai jong kane ka Skul ka pynsngew ia ki jingeh ban pyniaid ia kane ka Skul namar ka bai skul kaba tad hap ban shim bad ka jingpynlut kaba bun ha ka ban siew tulop ia ki Nonghikai.
Da ki Tin synniang ka KSU WJH sha ka St.Thomas Lower Primary School Mooluber
