SHILLONG: U nongialam ka TMC uba dei ruh u Myntri Rangbah barim ka jylla u Dr. Mukul Sangma u la thalain tyngeh ia ka jingleh jong ki pulit ka West Garo Hills hapoh ka jinghukum ki politishian ha ka bor ban thad ia ki briew kiba shah kem da kaba pyniadei bad ki seng sain pyrthei bad kane ruh hapdeng shimiet shimiet.
Haba kren mynta ka sngi sha ki lad pathai khubor, u la ong ba kane ka jingleh ka dei ka jingpynjah burom ia ka jaitbynriew Garo. U la ong ba dei ban tohkit bniah ia kane ka jingjia, bad ki pulit kim dei shah pyndonkam bakla ha ki briew ba don ha ka bor.
Kane ka jingtakrain tyngeh u Dr. Mukul ia ka sorkar bad ki pulit ka dei hadien ba u nongialam ka TMC u Richard R Marak u la shah kem nalor kiwei halor ka jingshah kynnoh ba donkti ban pynshit ia ka jingjia ha ka sngi Nyngkong kaba ialam sha ka jingmynsaw ki 18 ngut ki pulit ha ka por ba u Myntri Rangbah u Conrad K Sangma u dang pynlong ia ka jingiakren bad ki sengbhalang halor ka jingiakhih jongki ban dawa wanrah ia ka Nongbah Tlang ha Tura bad halor ka Roster Reservation.
U la thalain da kaba kynnoh ba ka la don ka jingpyniaid beain ia u dewiong ha Garo Hills lyngba ka jingdonkti lang ki briew ka sorkar. U la pynpaw ba ka jingsaphriang ki jingthoh ha rynsan social media ha ka kyrteng ka jaitbynriew ka long tang ban pynshit kaba long kaba sinew bad ki nongialam ki dei ban pynbeit ia ki jingeh ym ban wanrah ki jingeh.
Thalain u Dr. Mukul ba thad kyrteng ia ki seng sain pyrthei
