SHILLONG: Ka jingdawa ban pynlong ia ka Tura kum ka nongbah jong ka Jylla Meghalaya ha ka aïom tlang ka la jur bha, da ka jingshong shah thngan da ki dkhot ka A’chik Conscious Holistically Integrated Krima (ACHIK).
Halor jong kane ka jingdawa na ka liang ka Myntri kaba dei ruh ka nongaiktien jong ka Sorkar MDA-II, ka Dr M Ampareen Lyngdoh hynne ka sngi ka la ong ba kum kane ka jingdawa kam long kaba bha ban ai, bad ka nongbah jong ka Jylla kadei beit tang ha Shillong.
Ka la ong ba kum kine ki jingdawa ym dei ban pynshlur ne ailad, namar ban don kata ka Nongbah man la ki jaka ha manla ki samoi kam long kaba bha, bad kan bakla ka rukum synshar khaddar. Ka la ong shuh shuh ba ka Sorkar ka la buh ban thaw khnang bun tylli ki block ban pynjan ia ka synshar khaddar sha ki paidbah.
Ha kawei ka liang ka Kong Ampareen ka la iathuh ruh ba u Myntri rangbah ka Jylla, u Conrad K Sangma un sa iakynduh ban iakren bad ki dkhot ka ACHIK ha ka 24 tarik mynta u bnai.
Ym dei ban pdiang ia ka jingdawa winter capital ha Tura, ong ka Dr Ampareen
