SHILLONG 13, Naitung: U myntri rangbah ka jylla u Conrad K Sangma u la iathuh ba ka NTPC (National Thermal Power Corporation) kan iarap ban pom (pump biang ia ka um kaba tuid na pung umiam sha ka pung khnang ba ka um kan ym rngad bad ba ka jingpynmih bording kan ym ktah.
Haba iathuh mynta ka sngi, u Conrad u la ong ba ka jingisoi soskular ka long ban thaw lad ban tehlakam ia ka jingduna bording ha ka jylla lyngba ka jingiatreilang na ka NTPC kaba dei kum ka nongdielang (wholesaler).
“Kum ka nuksa, ka NTPC kan pule bniah shwa ia kane bad lada ka long, yn pyniaid shakhmat ia ka kam”, la ong u Conrad.
U Conrad u la iathuh ba lada long kam kane ka jingthmu, ka um kaba tuid na pung Umiam yn pynpoi (pump) biang sha pung lyngba ka jingpyndonkam da ka bor ka ding sngi ban lait na ka jinglut phut bad ha kane ka dur, ka pung kan ym rngad bad ka jingpynmih bording ruh kan ym ktah.
U la iathuh ba la iasoi ruh ban pynroi ia ka jingpynmih bording na ka bor jong ka sngi kaba duna jinglut, bad ka bym lut shuh na bynta ban pyndap ia ki jingdonkam ka jylla. “Ka NTPC ka don 75000 MW ka jingpynmih bording bad kumba 1000 Billion Unit ha ka shi sngi, bad ka long kum ka nongdielang ne Wholesaler, ban thied bording ha kine ki sngi ban wan”, la ong u Myntri Rangbah.
Thaw lad ka sorkar ban tong biang ia ka um ba tuid na pung Umiam ban pynduna kyrduh bording
