SHILLONG 05, Naitung: Ka KSU Laban Circle mynne ka sngi ka la leit ai dorkhas sha u Divisional Forest Officer (DFO) ka East Khasi Hills halor ka jingsah beaiñ ki bar jylla ha Mahadev Khola.
Katkum ka jingwad bniah jong ka Seng ka lap ba ka Forest Department ka la ai jaka sha ki riewniam Hindu ban shna ia ka Mandir ha Mahadev Khola ha u snem 1923 bad ka jingai jaka ka long beit thik ban lehniam bad ym ban buhai shnong. Hynrei ha ka jingleit Jurip na ka liang ka Seng la lap ba ladon haduh 30-40 tylli ki longiing ba na bar jylla bad bun tylli ki dukan ki bar jylla ba wan sah khlem kot khlem sla. Kaba I kham shyrkhei ka long ia kane ka jaka ki Dorbar Shnong kim shim kam namar ba kadei hapoh ka jingpeit ka tnad forest bad ki briew bar jylla ki ioh rung ioh mih katba mon khlem don kano kano ka jingpyrkhing.
Ki jaboh na ki tyllong iing ruh la lap ba ki pyntuid beit sha ka wah bad ia ka jaboh la shu Bret pathar khlem niewkor ia ka mei mariang.
Kane ka jaka ruh ka long kum kawei na ki shlem jong ki nongdih droks bad bun tylli ki jingjia shah tuh sha lute ki ju jia na ka por sha ka por.
Na ka liang u DFO u la pan por na ka Seng ba un leit jurip bad ban pynmih ia ki briew ba sah beaiñ.
Ujor ka KSU Laban Circle sha u DFO ba sah beaiñ ki bar jylla ha Mahadev Khola
