SHILLONG 03, Naitung: U Superintendent of Police ka East Khasi Hills u bah Sylvester Nongtynger u la pyntip ha ka kyrwoh mynta ka 3 tarik Naitung 2023, ba u rangbah uba la khlad ha ka jingbthei ha ïing ha Smit, u dei uba la pyrshang teng ban pyniap hi ialade.
Lah ban kdew ba mynta ka step kumba ha ka por 12 baje eiei, uwei u rangbah ba la tip kum u Pynsuklang Khongwir 38 snem, ha Lumkynsai, Smit u la khlad hadien ba mih ka jingbthei ha jaka ba u thiah na ka jingshitom ha ïing haduh ba ka met jong u, ka la pra lyngkhot lyngkhai bad kaba la pynjulor ia ki katto katne ki kamra bad ki jingkhang ïit.
La iathuh ba une u rangbah u dang wan shah puid na ka jingshitom budlum kumba ar bnai eiei mynshwa bad u dang thiah pang.
Ha ka jingtohkit, ki pulit kila lap ia ki lyngkhot lyngkhai jong ki tiar elektrik bad ka kynhun sma bom jong ki pulit, ka dang bishar bad tohkit halor kane ka jingjia.
Uba khlad ha ka jingbthei ha Smit u la pyrshang pyniap hi la ar sien
