SHILLONG 03, Naitung: U Myntri Rangbah ka jylla u Conrad K Sangma u la iathuh ha ka 30 tarik Jylliew 2023, ba ka jingpynkhreh pynkhrum ka sorkar India ban wanrah ia ka jingpynkylla ia ka Sixth Schedule ka la iaid shaid shaid bad ka la poi sha ka 95 percent eiei mynta.
U la ong ba ki don katto katto ki bynta ha kaba la poi ka jingmynjur bad sa tang katto katne kiba dang sah bad ka sorkar jylla ka dang iakren bad ki District Council bad kumjuh ka sorkar India halor kane.
Lah ban kdew ba ka sorkar pdeng ka la pynkhreh ban pynkylla ia ka khynrit ba hynriew ka riti synshar ka ri da kaba ai bor kham bun sha ki District Council bad ka la don ruh ka jingai jingmut ban pynkylla ia ka kyrteng sha ka Territorial Council, ym shuh ka District Council.
La sngewthuh ba lada kam don ka jingpynkylla da kumwei pat bad lada ka kam, ka iaid beit, ka jingpynkylla ka lah ban long ha kane ka dorbar tlang jong ka Parliament.
Ka jingpynkylla ia ka Sixth Schedule ka la poi 95 percent, ong u Conrad
