SHILLONG 30, Jylliew: U Superintendent of Police ka East Khasi Hills u la pyntip ba kito kiba tah ïing iong bad buh jingpah beain ha ki kali, ki dei ban weng noh mardor bad lada kim leh, ki pulit kin pyntreikam da ka ain pyrshah ia ki.
Haba pynbna ia kane mynta ka 30 tarik Jylliew 2023, u SP bah Sylvester Nongtnger u la ong ba la ioh jingujor na ki paidbah ba ki don ki kali kiba tah beain ia ki ïit iong palat ia ka kyndon ba la buh ka Supreme Court kaba la pynmih ha u 2011. U la ong ba ki pulit kin talasi shen ia ki kali ha kine ki sngi.
Katkum ka jingbthah ka Supreme Court, ki kali ki dei ban tah ïit iong kaba lah ban iohi lyngba 50 percent sha bynta ka liang bad 70 percent na bynta shakhmat bad nadieng.