SHILLONG 26, Jylliew: Ka sorkar jylla mynta ka sngi ka la pyllait paidbah ia ka thong jongka, kaba ai kyrteng ka DREAM (Drug Reduction, Elimination & Action Mission) ban ialeh thma pyrshah ia ka jingwan hiar u drok ban thom naphang ia ki samla. Ia kane ka thong la pyllait paidbah u Myntri Rangbah ka jylla u Conrad K Sangma ha ka jingialang ha U Soso Tham Auditorium kaba dei ka sngi pyrshah drok ha ka pyrthei.
Ia kane ka prokram la pynlong ka tnat pulit ka jylla ryngkat ka Social Welfare Department.
“Nga la shaniah tylli ha ka thong DREAM bad la mang T. 50 klur ha kine ki san snem, ha kaba T. 5 klur shi snem ban pynlong ia ka jylla kaba lait na u drok lyngba ka jingiatreilang jong baroh naduh ki kynhun seng bapher bapher”, la ong u Conrad.
La sakhi lang ha kane ka prokram kynthup u symbud myntri rangbah ba peit ia ka tnad kam pohïing u bah Prestone Tynsong, u D. N. R. Marak, IPS, Dy. Inspector General of Police (ER), u Commissioner & Secretary ka tnad Social Welfare Department, u Pravin Bakshi, u Meghalaya DGP u Lajja Ram Bishnoi.
Pynbna thma ka sorkar pyrshah ia u drok ba thom naphang ia ki samla
