SHILLONG 21, Jylliew: Ka madan ialehkai kynjatbol kaba dang shu plie shen, ka PA Sangma Sports Complex ha Tura ka la twa mynta ka sngi na ka jingther u slap bah.
Ha kawei ka khubor, ia ka um na ka dam Ganol hydroelectric project la hap ban pyllait noh mynta ka sngi hadien ba ka la shlei na ka jingther u lapbah ha rilum Garo han kine ki taiew.
Katkum ka kaiphod, ki madan ialehkai kila kylla long kum ki pung jngi na ka jingther u slap.
Ka lynti na Rangol Wari ha Edenbari shabar ka sor Tura, kaba pyniasoh bad kiba bun ki shnong ka la shlei miar da ka um, kaba la khang lad ia ka leit ka wan ki briew.
Lah ban kdew ba ka Ganol Hydro Power Project kaba pynmih ding 22.5 MW hajan Tura ha West Garo Hills la plie ha ka 4 tarik Kyllalyngkot 2023 da u Myntri Rangbah ka jylla u Conrad K Sangma.
Twa ka PA Sangma Sports Complex, shlei ka dam Ganol
