SHILLONG, Jylliew: Ka seng ki Asha hapoh ka lama ka Meghalaya Asha Workers Union mynta ka sngi kila iakynduh ia ka myntri ka tnad ka koit ka khiah ka kong Ampareen Lyngdoh halor kiba bun ki mat jingdawa jongki.
Haba kren sha ki lad pathai khubor, ka nongialam ka seng ka Kong Soni Kharjana ka la ong ba ki jingdawa ki long ban thaw noh ia ki kyndon ban khang lad ia ka jingshah weng kam pathar ki Asha namar ba teng teng tang na I daw barit, u Rangbah Shnong u sloit kam ia ki Asha.
“Ngi la ai jingmut ban pynsangeh ia ka jingweng kam pathar khlem ki daw kiba shong nongrim ia ki Asha, namar teng teng u rangbah shnong tang na I daw barit, u weng kam ia ki Asha”, ka la ong.
Kawei pat ka mat ka long ban pynkiew ia ka bai rneng na kaba mynta 2000 tyngka shi bnai bad kumjuh ban buria ia ka jinglut jong ki Asha haba ki leit shah sumar.
“Ngi la dawa ban pynkiew ia ka bai rneng man u bnai na ka T.2000 bad ban buria lut ka sorkar ia ki jinglut jong ki Asha haba ki shah sumar”, ka la ong ka kong Sony.
Watla kam lah ban kular eiei hynrei kan don biang ka jingialang bad ka myntri shen.
Don ki Asha ba shah weng kam ha u Rangbah Shnong tang na i daw rit daw ria
