SHILLONG 16, Jylliew: Ki pulit ka East Khasi Hills jong ka ANTF ryngkat ki pulit na Rynjah bad Laitumkhrah Police Station kila ioh kurup kawei ka pistol, 7 tylli round ki kuli 0.22, 6 round ki kuli .38, uwei u kuli ba la pyndonkam, 5 round ki 12 bore ammunition, kawei ka mobile phone, ka pisa 2 lak tyngka bad kawei ka suloi lyer, 4 tylli ki kali kynthup ar tylli ka Mahindra Thar, kawei ka Maruti Zen, kawei ka Maruti 800 bad kawei ka Chevrolet Beat na Mawpat mynta ka 16 tarik Jylliew 2023.
Shwa ia kane, kila ioh kem ia ar ngut ki nongkhaïi drok kynthup ia u Eldikinstar Sohtun bad u T James Seiminthang ha 15 tarik na Nongshiliang ryngkat 40 song sabon ki drok ba khia 423.09 gram bad mynta hadien ba la ialam u Eldikinstar Sohtun sha jaka sah jong u ha Mawpat kila ioh kurup ia kitei ki tiar. Shwa ia kane, kila ioh kurup 2 tylli mobile phone, kawei ka bike (ML 05 R 5271), ka PAN Card bad ka EPIC.
La rejister ia kane ha Rynjah Police station Rynjah P.S C/No. 77(06)2023 U/S 21(b)/21(c)/25/29 ha ka NDPS Act. Kane ka long ka kyrwoh na u SP ka East Khasi Hills u bah Sylvester Nongtynger.
Ka pistol, 4 tylli kali bad ka pisa 2 lak, kurup ki pulit na ki nongkhaïi drok na Mawpat
