SHILLONG 16, Jylliew: Shi bynta ban pyntip sha ki paidbah ban iada ia ka jingwan ka eriong, u slap bad kiwei ki bor mariang, ka sorkar jylla ka la pyndonkam da ka Short Message Service ne SMS ban pynpoi sha ki mobile jong ki paidbah.
Mynta ka 16 tarik Jylliew 2023, ka Executive Director ka State Disaster Management Authority ka kong Matsiewdor War ka la pyntip ba la phah sms 11 lak eiei ha ki ar sngi, kata ka 15 bad 16 tarik mynta u bnai ba kin tip ban iada na ka bor mariang bad ia kane la leh katkum ka jingtip ba la ai ka Indian Meteorological Department (IMD) tang ha ki bynta ka Khasi Hills.
Haduh mynta, uwei u briew u la iap bad 3 tylli ki mrad ha ka jingjulor ka mariang naduh ka 8 haduh 16 tarik Jylliew haduh mynta bad 79 ki shnong, 186 tylli ki ïing bad 2777 ngut ki briew kiba shah.
Lyngba ka Common Alerting Protocol (CAP) haba ioh ia ka jingmaham na ka IMD, la pyntreikam ia kane ka CAP bad la kyrpad ia ki paidbah ban sei ia ka Sachet App ban poi ki jingbatai ia ka jinglong jingman ka mariang ha ki mobile jongki.
Da ka SMS pyntip eriong ka sorkar sha ki paidbah
