Shillong, 08Jylliew : Ka jingpur sted jong u khniang jingpang ki masi ka lumpy skin disease ka la pynsalia ia ki briew ban bam bad dih ia ka dud masi .
Hynrei haba iakren bad u joint director jong ka directorate of animal husbandry and Veterinary u HK Marak u la pyntikna ba ka doh masi bad ka dud masi ka ym ktah eiei hynrei dei ban da tiew bha ia ka dud ban dih bad shet bha ia ka doh shuwa ban bam hynrei kham kiar ia ka doh thad namar kaba shu pynrkhiang ia ka doh tang da ka tdem.
Haba kylli u la ong ba haduh mynta katkum ka jingioh ha ka report jong ka ophis haduh 3500 hajar tam ki masi kiba la shah ktah ha une u khniang jingpang ha kylleng ka jylla bad 29 tylli ki masi kiba la ithuh thikna ba ki iap na une u khniang jingpang.
Bad u la ong ba haduh mynta kam don ka dawai ban pynkhiah ia une u khniang hynrei ki lah tang ban ai da ki tika ia ki masi kiba dang koit khnang ban tehlakam ia ka jingpur, u la kyntu ia ki nongri masi ha jylla ba khnang ban tehlakam ia ka jingpur une u khniang ki dei ban set ia ki masi kiba pang la ka jong, bad ban leh khuid ia ka sem khnang ba ki ksain ki nym ioh ban boi bad ia kiba la ioh ia kane ka virus ruh u la ai jingmut ba ki lah ban pynkyllan da u synrai tang kum ka jingiada, bad u la ong b laada iap ki masi dei ban da dep bha kumba 6 phut eiei hapoh khyndew.