Iaid ka jingpynbeit pud ka Meghalaya-Assam ba shim khia u Modi, ong u President ka BJP

SHILLONG 05, Jylliew: Mynta ka 05 tarik Jylliew 2023, u President ka BJP Meghalaya u bah Ernest Mawrie u la iaroh ia ka sorkar MDA-2 kaba ialam u Myntri Rangbah ka jylla u Conrad K Sangma halor ka jingshim khia ban pynbeit ia u pud u sam bad ka Assam.

Haba kren mynta ka sngi, u bah Ernest u la ong ba lyngba ka jingshim khia u Myntri Rangbah la pynbeit 6 tylli ki jaka katba sa 6 tylli yn dang pynbeit biang mynta u snem ban pynbeit noh baroh.

U la ong ba ka sorkar pdeng ba ialam ka BJP kaba ialam u Myntri Rangbahduh  ka ri u Narendra Modi, bad u myntri ka tnad kam pohing ka ri u Amit Shah, kila kren shai ba khlem ka jingpynkut ia ki kam pyntriem, bad ka jingiakajia pud hapdeng ki jylla, ki kam pynroi ha ka thain shatei lammihngi ka India, kin ym lah ban iaid.

Ha kajuh ka por, u bah Ernest u la niew ia ki kam pynroi kiba la leh ka BJP ha kine ki 9 snem ba la leit hapoh ka jingialam u Modi.

Ki 26 tylli ki skhim ba kongsan ba la pyntreikam ha ka por u Narendra Modi ki long 1. The jan Dhan Yojna (August 28, 2014), 2. Skill India Mission (August 28^th , 2014), 3. Indian-made (September 28^th 2014)

4. Mission Swachh Bharat (2^nd October 2014), 5. Sansad Adarsh Gram Yojana (11^th October 2014), 6. Shramev Jayate Yojana (16^th October 2014), 7. Beti Bachao Beti Padhao (22^nd January 2015), 8. Hridaya Plan for the (21^st January 2015), 9. PM Mudra Yojana (8^th April 2015), 10. Ujala Yojana (1^st May 2015), 11. A Total Pension yojna (9^th May 2015), 12. Jyoti Jyoti Bima Yojna, Prime Minister (9^th May 2015), 13. The Pradhan Mantri Suraksha Bima yojna, 14. Smart City Initiative (9^th May 2015), 15. Amrut Strategy (25^th June 2015), 16. Mission for Digital India (2^nd July 2015), 17. Gold Monetization Plan (5^th November 2015), 18. Scheme for Sovereign Gold Bonds (5^th November 2015), 19. UDAY (20^th November 2015), 20. Start up India (16^th January), 21. Setu Bhartam Yojna (4^th March 2016), 22. Stand up India ( 5^th April 2016), 23. Gramoday Se Bharat auday (14-24 April 2016), 24. Prime Minister Ujjwala Plan (1^st May 2016), 25. Namami Gange Yojana (7^th July 2016) bad ka 26. Satat Scheme (October 2018).

Ha kajuh ka por, ka BJP Meghalaya ka la phah sha ka Disciplinary Committee (DC) ban bishar ia u Boston Marak uba dei u CEM barim ka GHADC, bad u dkhot ka parti hadien ba u la shah pyntian mukotduma ha ka Lokayukta halor ka jingkynnoh bamsap.