SHILLONG 24, Jymmang: Ka Confederation of Ri Bhoi People (CoRP) hynne ka sngi ka la leit ban ai jingkyrshan ia u nongialam ka Voice of The People Party (VPP) bah Ardent Miller Basaiawmoit uba shim ia ka sienjam ban iakhih da kaba shah thngan khlem buh por ban pynbor ia ka sorkar jylla ban pynbeit thymmai ia ka bhah kam ne Reservation Policy ha jylla.
Haba kren ha ki nongthoh khubor u President ka CoRP u Bah Bandary Ryntathiang ula ong, ka seng CoRP ka ai ka jingkynshan ia ka jingiakhih ka VPP hapoh ka jingialam u bah Ardent M Basaiawmoit ban pynthymmai noh ia ka bhah kam ne Reservation Policy kaba la noh shiliang. U la kyntu ia ka sorkar ban pynbeit noh kloi ban iathir iatai halor katei ka ishu jylla bad kam dei ban leh mynthi namar ka la donkam shisha ban pynthymmai ia ka bhah kam na bynta ka jingmyntoi ki samla pule ka jylla.
U la ong na ka liang ka CoRP ka ai jingkyrshan ia ka VPP kaba la iaid shakhmat halor kane ka mat bad kan iaid bteng ban ai jingkyrshan tad haduh ba ka sorkar kan pynurlong ia ka jingdawa na bynta ka lawei ki khun samla bad ka jaidbynriew.