MAWTHADRAISHAN 23, Jymmang: Namar ba ka la don ka jingiap ki sniang na ka jingshah ktah ha ka khlam African Swine Fever, ki Deputy Commissioner jong ka West Khasi Hills bad kumjuh jong ka Eastern West Khasi Hills kila pyrkhing ban kit ne shalan sniang sha ki jaka ba shah ktah kane ka khlam khnang ban lait na ka jingiapur.
Ha West Khasi Hills, u DC ula mana ban kit sniang hapoh 10 km na ne sha ka jake (zone) ba shah ktah kaba dei na shnong Tiehsaw.
Kumjuh u DC ka Eastern West, u la mana ba ki briew ki dei ban kiar ban leit sha ka Farm Ri sniang jong ka tnad Animal Husbandry & Veterinary ha Nongkasen. La khang ruh ban wan thied bad ban wanrah ia ki sniang lane kino kino ki tiar kiba dei napoh katei ka jaka ri sniang lane shabar jong katei ka jaka ri sniang.
U DC Ula phah pyrkhing bha ia katei ka jaka khnang ba kan ym don kano kano ka jingpur lane ka jingsaphriang jong katei ka khlam sha kiwei pat ki jaka kiba lah ban ktah ruh ia ki jaka ri sniang jong ki briew shimet.
Shuh shuh la bthah ruh ïa ki nongpeit bad ia ki nongtrei jong katei ka jaka ba kin pyrkhing bha katba lah ia ka leit ka wan jong ki paidbah khnang ba kin ym ioh lad ban rung hapoh katei ka jaka khnang ban lah ban pynduna ia ka jingsaphriang jong kane ka khlam African Swine Fever.