SHILLONG 22, Jymmang: Ka Riwar Mihngi Football Association ka la pynkut noh ia ka Under 15 League Tournament 2023, kaba la sdang naduh u bnai Kyllalyngkot 2023. Ka Riwar Mihngi XI ka la long ka nongjop da kaba pynliem da 1-0 ia ka Mawprem S.C ha ka Extra time ha ka jingialehkai kaba la long ha madan Thwei u Shiaw (Rangthylliang) Pynursla.
Ia kane ka League la sdang ha ka 27 kyllalyngkot 2023 da kaba la ia shim bynta da 8 tylli ki kynhun na bynta bapher ka Riwar Mihngi. Ha ka sngi kut, la sakhi lang u Bah W.Kharkrang u Tournament Director jong ka Meghalaya Football Association, kum u kongsan bad la ia donlang ruh u Bah Aiborlang Khongjee u nongaibuit ka Riwar Mihngi Football Association ryngkat ki nongialam jong ka R.M.F.A.
Ka lahduh ka ioh rah ia ka khusnam ryngkat ka pisa T.10000/-
(Shiphew hajar tyngka) bad kaba wan ba ar ka ioh rah ia ka T.7000 (Hynnniew hajar tyngka) ryngkat ka khusnam.
Ka Association ka la rai ruh ban iarap lang ia ki kynhun ba iashim bynta mar T.4000/- (Saw hajar tyngka).
La pynbna ruh ban khot pyniasnoh (Affiliation) ia kino kino ki Club kiba la ithuh da ka Sorkar (Registered) kiba dei na ka thaiñ Riwar Mihngi (Pomlum Wahrew- Umsyiem- Nongkwai -Tishang – Nongjri) namar ka Association kan sa sdang noh shen ia ka Football League 2023. Na ka bynta kane ia ka Form pyniasnoh lah ban ioh lyngba ka phone call ne Whatsapp ha kine ki Mobile phone number: 612095234/7005247841 bad ka jingpyniasnoh (affiliation) kan kut noh ha ka 20 tarik Jylliew 2023.
Ha kaba kut ka Riwar Mihngi Football Association ka khot ka wer ia ki Shnong, ki Club, ki Riew shimet kiba don mynsiem ban kyntiew lang ia ka Football ha ka thaiñ ba kin ia shim bynta ha ka Women’s League Football 2023 kaba yn sa sdang shen bad ka por ai jingtip ia shim bynta kan kut ha ka 03 tarik Jylliew 2023 lyngba ka Form ban ioh na kine ki No Phone 9436100931/9612905943/7005247841.