Nongpoh, 22 Jymmang: Uwei u nongniah Scooty, u la khlad noh hashen, hadien ba u la shah iuh ha ka trok kaba kit klinker bad katei ka jingjia, ka la jia hynne ka janmiet ha surokbah NH-6 bad kaba hap hapoh ka shnong Umran Dairy.
Ia utei uba la khlad, ym pat tip ba udei na kano ka jaka, hynrei u nongniah jong katei ka Trok, u la leit ban aiti noh sha ki Pulit ka Umsning Police Station. Ki Pulit ka Umsning, ki la leit mar mar sha katei ka jaka, na ka bynta ban pyndep ia ki jingdonkam baroh bad ka jingtohkit kan dang iaid shakhmat.
Katei ka trok kaba don ia u number NL-01G-6708 bad katei ka Scooty kaba don ia u number ML-10C-8114, ki dei kiba don ha ka liang ban hiar sha Guwahati bad katei ka jingjia, ka la jia ha kawei ka jaka kaba kham long khongdong bad ym tip mano ba bakla.
