SHILLONG 22, Jymmang: Ka lympung ialehkai ka Meghalaya State League (MSL) 2023 ka la sakhi ia ka jingioh ban thep kol haduh 13 tylli ha kawei ka jingialehkai kaba long mynta ka sngi hapdeng ka Jyntru bad ka Seng Samla Laitryngew ha madan MFA, Polo.
Ka Jyntru ka la pynliem ia ka Seng Samla Laitryngew da 9-4 kol ha ka jingiakhun jong ka Group A.
Ha kawei ka jingialehkai, ka Niaw Wasa United ka la pynliem iaka Youth Club Pdengkarong da 2-1 ha ka Group B ha madan Kiang Nangbah ha Jowai, katba ka Wasa FC ka la pynliem i aka Warima Youth Club da 3-1 ha ka Group D ha Tura bad ka Riangdo YSCA ka la pynliem i aka Mawten SC da 1-0 ha ka Group C ha Mawkyrwat.