SHILLONG: Ka Seng Khasi College kum shibynta ban rakhe ia u mawmer jong ka jingdap sanphew snem, ka la pynlong ia ka Inter-School Invitational Futsal (Boys) Competition kaba sdang naduh ka 18th -19th Jymmang 2023.
Ha kane ka jingialehkai, phra tylli ki skul kila wan ban iashim bynta kiba kynthup ia ka Christian Academy Higher Secondary School, ka Pearly Dew Higher Scondary School, St. Dominic’s Higher Secondary School, Mawlai Presbyterian Higher Secondary School, Seng Khasi Higher Secondary School, Sacred Heart Boys Higher Secondary School, Government Boys Higher Secondary School bad ka Seng Khasi College (Higher Secondary Section).
Ia ka jingialehkai la wan ban pyniaid da ki dkhot jong ka Futsal Dream Team.
Ki artylli ki team kiba la ioh ban rung sha ka final ki kynthup ia ka Mawlai Presbyterian Higher Secondary School bad ka Seng Khasi College (Higher Secondary Section) ha kaba ka Mawlai Presbyterian Higher Secondary School ka la ioh ban rah ia ka nam lahduh, hadien ba ka la jop iaka jingiakhun da 4-2.
. Ia ka khusnam sha ki lah duh la sam da u Rangbah R. H. Dkhar uba long u Secretary jong ka Governing Body jong ka college bad ha kajuh ka por kum u kongsan jong kane ka lympung ialehkai.