Shillong16,Jymmang: Mynta ka sngi u bah Ardent M Basaiawmoit u la pynshai halor ka jingsaphriang jong ka dur ba ia shon lang bad u Bah Amazing Kurbah haki Rynsan social media ba ka dei tang ka jingiashon dur kum u bahaïing bad u paralok ba ia ithuh I thaw bha.
Haba kren sha ki lad pathai khubor, u bah Ardent u la ong ba kumba ju long lang ki wei haba iakynduh bad u Bah Ardent, ki ju shon dur lang hynrei ym dei tang u Bah Amazing u ba shon dur hynrei ki para kiba haïing jong u ruh ki ia shon dur lang.
U Bah Ardent u la pynpaw ba don bun kiba ia shon dur lang bad u, kiba na kiwei ki Konstitwensi kam mut ba tangba ia shon dur lang la ioh tiket noh ban iakhun elekshon, ki bun ki khynnah samla ki riew paidbah kiba kynduh ha lynti ki ong ba ki kwah shon dur lang hynrei maki kin buh status noh lane ban shu iakren noh ia kita haki politik ka don ka jingiadei paralok ruh kum ki briew kqm iahap.
“Haduh mynta u bah Amazing Kurbah ym pat dei u dkhot jong ka Voice of the People Party ne jong ka UDP hynrei ngi dang mut leit ban pynrung dkhot hapoh Sohiong Constituency kumba ka VPP ka dang pynrung dkhot kylleng kylleng kum mynnin ka sngi ruh ngi dang wan ban pynrung ha Mawthadraishan Constituency haka shnong Kynshi bad ngin dang pynkhreh ban leit kylleng kylleng ruh ka Sohiong ka dei ka wei ka Konstitwensi kaba ngi dangmut ban leit ban pynrung kyrteng te hangta ka por kin sa shai kiei kita kiba rung ha ka VPP phin sa iohi hangta haduh mynta ngim pat don ki dkhot VPP ha Sohiong Constituency” la ong u Bah Ardent.