Shillong16,Jymmang: Ka seng Hynniewtrep Youth Council Ri-bhoi District ka la leit ban iakynduh ia Bah Titosstarwell Chyne u ba dei ruh Chief Executive Member jong ka Khasi Hills Autonomous District Council hynnin ka sngi ka 15 tarik Jymmang 2023 haba iadei bad ka jingbun palat ki nongkhaii barjylla kiba khlem ka Trading licence hapoh katei ka thaiñ.
U President Bah Hercules Suting u la ong ba ka jingwan kynduh jong ka seng ka long namar ka la I kynrei palat ka jingbun ki bar jylla ki ba khaïi laitlan ha ka them Ri-bhoi naduh khanapara ter ter sha duh ka Nongpoh area, umsning ha kylleng ki thaiñ Ri-bhoi hynrei kine ki barjylla kim don iaka Trading License ki ioh pat ban khaïi haka them Ri-bhoi khlem ki kot ki sla kiba biang. U Bah Suting u la iathuh ba naka liang jong u CEM u la kular ba un sa hiar hi ban leit khynra Trading License haka wei ka sngi khnang ba ngin ngin lah ban tehlakam iaka jingkhaïi beaiñ jong ki byrjylla khlem ki kot naka District Council
Ka seng kala pynpaw ka jingsngewnguh iaka District Council halor ka jingleit khynra Trading License haki iew ki hat hakine ki sngi kiba la dep kumjuh ruh ka seng ka kyrmen ba shaki thaiñ ribhoi ruh kan leh lem iakane ka bynta khnang ban lah ban tehlakam iaka jingwan khaii ki briew kiba barjylla.