SHILLONG 15, Jymmang: Ki shipai khappud ne BSF jong ka 193 Bn Meghalaya kila kioh kurup ia ki jain kum ki saree ba shong dor T. 20 klur na khappud ha bynta ka East Khasi Hills.
Ia kine ki jain ba la suba jur ba thmu ban shalan sha Bangladesh, la ioh kurup na BOP Barmanbari katba ki runar ki thmu ban shalan tuh sha Bangladesh. Hynrei ki BSF kim shym la ioh kem ia ki briew namar ba ki la phet krad noh na ka jingdum jong ka miet bad ki ieh ia ki tiar shadien. La ioh kurup 15 song ka jain saree bad la aiti sha ka tnad Custom office ha Dangar.