Shillong11: Mynta ka sngi 11 tarik Jymmang 2023 Ka seng Hynniewtrep Integrated Territorial Organization (HITO) kala leit ban aiti da ka Jingthoh sha u Bah Sniawbhalang Dhar uba dei ruh u Symbud Myntri Rangbah ka jylla ban thaw lem da ka aiñ ban iarap iaki Samla pule kiba wan naki longing baduk khnang ba kin lah ban bteng iaka jingpule jong ki.
Naka liang ka Seng HITO ka la buh ka jingkyrpad iaka Sorkar baka dei ban thaw ki lad ki lynti ne ban thaw daki Policy jong ka Education Khnang ba ka sorkar jylla ka lah ban iarap iaki samla pule kiba wan naka longing ba duk ban bteng biang iaki jingpule ba kin lah ban shakri iaka jylla hadien ha bud. U bah Donbok u la kyrpad ban rah ia kane ka mat sha ka kynhun myntri bad ban pynsngew ïa kane sha u Myntri Rangbah ka jylla, u Conrad K Sangma.
Shuh shuh u la ong ba haka jingthoh bangi ai haka Sorkar Jylla ka seng ka la bsuh ruh bun tylli ki mat ban pynsngew ruh ban tei iaki ki jaka ban Sah na bynta ki khynnah kiba wan na ki thaiñ nongkyndong kiba jngai na sor Shillong khnang ba kin iarap kiba wan naka longïing kiba duna haka ioh ka kot ban siew iaka bai sah.
Ka Seng kala shim iaka jingkitkhlieh ban dawa naka sorkar jylla baka dei ban thaw kino kino ki lad lane ki Policy khnang ban kner jingiarap sha ki khynnah kiba wan na ki longing kiba duna ha ka ïoh ka kot ba kin lah ban phah skul biang iala ki khun.
U Bah Dkhar la ong ruh ba ngi shim ia kane ka lad ba ngi iohi ba hadien ka jingpynbna Result ka MBOSE, ngi shem ba ki don katto katne ngut ki samla pule ki bym lah shuh ban bteng iaka jingpule namar ba ki kmie ki kpa kim lah shuh ban kyrshan iaki khun namar ki don haka jingkyrduh ba wat ka bam ruh kim da ioh ban bam pahuh kumba long lang kiwei kiwei.