Shillong 12,Jymmang : Mynta ka 12 tarik Jymmang 2023 kawei na ki skul ka Sawmer RCLP SCHOOL Upper Shillong 
kala pynlong iaka jingiaid rally pyrshah iaka jingdih basniew kaba ngi ju tip ia ka World No Tobacco Day la ju rakhe ha ka 31 tarik u Jymmang man la u snem ha kylleng satlak ka pyrthei. Mynta u snem ka matpdeng jong ka jingrakhe kaba la jied haka jylla Meghalaya kadei “My Meghalaya, Tobacco Free Meghalaya”.
Kane kadei ka jingpynsaphriang iaka jingpynsngewthuh ba u duma u ktah bha ia baroh ki dkhot met jong u briew bad kaei kaba ym da sngewtynnad than ruh kadei ba u duma u ktah iaka mariang bad kumjuh ia ki briew kiba wan na ki longing baduk.
“U duma ula shim ia ka jingim jong ki 8000 ngut ki briew ha Meghalaya. Halor katei ka nongrim la sdang iaka WNTD’23 campaign ha ka 22 tarik u Iaiong 2023 da kaba bthah ia baroh ki skul ba kin pynlong iaka Rally pyrshah duma bad Signature Campaign ne jingiasoi kyrteng”
Haba pyntip ba kane ka campaign kadei shi bynta jongka Tobacco Free Educational Institutions ka prokram kaba la pynlong haka jylla naduh u Lber 2021, Ka jingpynlong ia katei ka campaign ha u snem bala dep kala long kaba jop bad mynta u snem ngi kwah ba ym dei tang ki khynnah skul bad ki nonghikai hynrei wat ka imlang sahlang ruh kin iadonbyntalang”.
U Duma u shim iaka jingim haduh 7 million ngut ki briew ha ka pyrthei baroh kawei bad 13.5 lak ngut ha India.
Ki don 560 tylli karkhana kiba pynmih ia u sikret ha ka pyrthei haduh 6 trillion ia u sikret man la u snem bad kane ktah ruh ia ka mei mariang na ka jingpom ia ki dieng bad ka jingpynjaboh kaba bun hi kadei da ka jingbret ia ki sikret kiba la dep dih, ki bym lah ban pyut bad kiba ai bih iaka mariang.
Iakane ka jingiaid pyn sngthuh paidbah la pynlong iakane ka jingiaid mynta ka 12 u Jymmang 2023 la sdang na Sawmer shaduh 3mer shiteng halor kane ka jingthmu katkum ka Phang bala buh daka sorkar My Meghalaya- Tobacco Free Meghalaya ha ryngkat ki placard baki la shna bad ka jingpyrta daki kyntien kiban iarap ban pynsngewthuh iaki paidbah ban sangeh noh iaki jingdih bad jingbam ia u Duma uba long ka jingma iaka jingim jong ngi kum ki briew.
