SHILLONG, Jymmang 13: Ka lympung ialehkai Meghalaya State League 2023 ka la iaid ha ka sngi baar bad ha kane ka sngi, san tylli ki jingialehkai la pyllong ha kylleng ki jaka ha ka jylla.
Ha Group B ha Jowai, la ialehkai ar tylli ki jingialehkai, kawei ka jingialehkai ha Group A ha Shillong, kawei ha Group C ha Mawkyrwat bad ha ka Group D la pyllong ha Tura.
Ha Jowai, ka Rymbai Iawpynsing SC ka la pynliem ia ka Youth Club Pdengkarong da 2-0 ha Kiang Nangbah Stadium.
Ha kawei ka jingialehkai, ka Ladthadlaboh SC ka la pynliem ia ka Sein Pynbhalang SC da 5-0.
Ha Shillong, ka Mawlai SC ka la pynliem da 5-1 ia ka Jyntru. Ha kawei ka jingialehkai, ha Mawkyrwat, ka Mawten SC ka la pynliem ia ka Pyndengrei SC da 2-1 katba ha Tura ka Chipakkore FC bad ka Warima Youth Club kila iakhaid mar 1-1 ha madan Chandmari Ground.
Ka lympung MSL ka la sdang hynnin ka sngi ha Kiang Nangbah Jowai ha kaba ka Rangdajied United ka la pynliem ia ka Niaw wasa da 2-0.
Ka jingialehkai lashai kan long
Monday’s fixtures:
Group A, Shillong – Umrit vs Seng Samla Laitryngew, 3pm
Group B, Jowai – Mulait United vs Youth Club Pdengkarong, 2:30pm
Group C, Mawkyrwat – Seven United vs Lumdiengngan, 3pm
Group D, Tura – Selsella Sports Association vs Wasa FC, 3pm