SHILLONG 10, Jymmang: U nongialam ka TMC Meghalaya u Dr Mukul Sangma ula kam ba kan don ka jingjia ha ki sngi ban wan ha ka sorkar jylla bad kaba donkam ka long ba ki paidbah ki dei ban iai shah shipor.
Ym tip kaei ka jingmut jong u Dr. Mukul haba u kren ban don ka jingjia ha kine ki sngi ha ka sorkar hynrei la sngewthuh ba u lah ban don ka jingkylla ha ka synshar khadar ha ka liang ka sorkar.
“Jia katba jia, ngim ym iapein ia ki paidbah ka jylla, ngin ym ailad iano iano ban thombor ia ka jylla bad ki paidbah jongka. Ha kine ki sngi ban wan, phin sa iohi shibun ki jingjia bad ngi la pynkhreh ban iatyngkhuh bad ka sorkar”, la ong u Dr. Mukul.
Haba kren halor ka jingbym lah thaw sorkar ha ka jingpyrshang jong ki seng bym ka NPP, u Dr. Mukul u la ong, “Ki don ki MLA jong kiwei ki seng sain pyrthei kiba jah katba dang thmu ban iathaw sorkar, kane ka mut ba ka la don ka jingkhaii kulai”. U la bynrap, “Ngin wad ia ki lad ki lynti ban shim ka jingkitkhlieh ban shakri ia ki paidbah”,.
Haba kren sha ki lad pathai khubor mynta ka sngi, ula ong ba ka jingmih khubor ba un leit iasoh sha ka BJP ka dei tang ka jingmut bad kam don kano kano ka jingshisha. “Ka dei ka khubor kaba shu mutdur kum ki nongthoh ha kaba ngam lah ban pynsangeh”, la ong u Dr. Mukul.