SHILLONG 26, Iaiong: U MLA barim ka Mylliem Bah Hamletson Dohling, hynne ka step sngi Balang, ula leit ban buddien ia ka jingpyntreikam ia ka skhim Jal Jeevan Mission (JJM) ban pynpoi umbam umdih ha ka shnong UmlyngkA bad nongkseh kiba dei ki shnong kiba hap ha ka census town ia kaba u bah Hamlet u la pynrung kyrpang.
U Bah Hamlet uba bat mynta kum u Nongai buit jong u Myntri Rangbah ka Jylla, ula hiar leit jurup ia ki tyllong um kiban pynpoi ia ka skhim JJM sha ka shnong Nongkseh bad Umlyngka, kaba don ha Umpaitmaw, Sangmein, Upper Shillong.
Haba iakren bad ki nongthoh khubor hadien ka jingjurip, u Bah Hamlet ula pynpaw ba ka jingjurip ka jong u ka long halor ka nongrim ban iohi ba kane ka skhim ka dei ban iaid shaid shaid bad ba dei ban sdang trei noh khnang ba kan wanrah ia ka jingsuk ia ki paidbah ka thain da ka jingpoi kor um hala ki jong ki iing ki sem.
Namar ka jingeh ka Shnong bad jingbun ki Longiing, ka shnong Nongkseh bad Umlyngka ki ju ioh duna ka umbam umdih. Ha Nongkseh, ka Tnad PHE kala mang T. 15.84 klur ban pyntreikam ia ka skhim na ka bynta ki 1230 tylli ki Longiing katba ha Umlyngka la mang T. 28.89 klur na ka bynta ki 2242 tylli ki Longiing.
Ha kane kajuh ka sngi, u Bah Hamlet ula iathuh ba yn ksam um (drilling) haduh 6 tylli bad 2 tylli ha nongkseh bad lyngba kine ki jingksam um kan iarap ban nang bun ia ka um khnang ba kan Lah ban pyndap ia ka jingdonkam um ha shnong.
Ia u Bah Hamlet la synran lang da kRangbah Shnong ka Umlyngka, ki Engineer,SDO ,Ophisar ka Tnad PHE bad kiwei kiwei.
Buddien u Bah Hamlet ïaka scheme JJM, hiar leit jurip ïaki tyllong um ha Sangmeiñ
