Shillong: Ki bor sorkar kila bthah ia ki nongdie jingdie harud ka surokbah ne National Highway naduh Rilbong ter ter shaduh Upper Shillong ban weng noh ban ym die jingdie shuh namar ba ka ain kam shah.
Kane ka surok Four Lane ka la jan dep artad naduh shadong na Umshyrpi sha Baniun ha 7th Mile, kaba la wanrah shibun ka jingkylluid bad pyllait ia ka jingsahkut kali ha ki por ba la leit.
Katkum ka jingtip, ka bor sorkar ka la phah jingtip sha ki nongdie jingdie harud ka surok ba kim shah ban die jingdie bad lada kim lied ia ki dukan sher dara, ka bor sorkar kan sa wan ha kano kano ka por ban kyndar.
Katkum ka hukum na ka kashari, la mana ban die jingdie harud ka surokbah katkum ka Right of Way (ROW) ne ka hok ka lynti. Katkum ka Control of National Highways (Land and Traffic) Act, 2002, ia ki rud surokbah, la pynhap ha ka jingshngain ka leit ka wan ki kali ne traffic safety.
Hynrei kumba ka long mynta, ki nongdie jingdie ha ka thain Upper Shillong kim pat kynriah ne weng.
Yn shah kyndar ki nongdie jingdie ha surokbah ka thain Upper Shillong
