Shillong: Ki pulit ka Anti Narcotic Task Force (ANTF) kila ioh kem ar ngut ki briew kiba donkti ban khaïi ia u drok.
Ha ka kyrwoh u SP ka ANTF u Vikash Kumar ula pyntip ba ar ngut ki briew kynthup ka Sabina Begum 21 snem, kaba sah ha Lum Survey bad u Viru Singh 40 snem uba sah ha Punjabi Lane, Shillong kila shah kem ryngkat 16.1 gram u drok, 47 tylli ki tyndong ba la thep drok, bad kawei ka mobile phone.
Ia kine ki briew la kem mynta ka sngi hadien ba la pynap shrip ia kane ka kam beain ba kila leh.
U SP ka ANTF ula ong ba haduh mynta la rejister haduh 3 tylli ki jingjia ba iadei bad u drok ha Lum Survey bad la kem 7 ngut ki briew kiba dei na Assam. Ki pulit kila ioh kurup ruh bun ki tyndong thep drok na katei ka jaka.
Ia kiba shah kem la pynngat ha ka kyndon ka NDPS Act ha Sadar Police Station, Shillong.
Shah kem ka kynthei bad u shynrang na Lum Survey, Punjabi Lane bad shi khung u drok
