Shillong: Ka National People’s Party (NPP) jong ka Mawsynram Constituency, Ranikor Constitituency bad ka Mawphlang Constituency ka la kam ba u Myntri Rangbah u Conrad K Sangma ula kular ban pynkut noh ia ka SAI Computer Limited ba kan lum bai thang ding.
Shwa ia kane, ki MLA ka UDP na Mawphlang, Mawsynram bad Ranikor kila kynduh ia u myntri ka tnad bording bah Metbah Lyngdoh halor kane ka mat ban weng noh ia ka SAI kompeni hadien ba ki paidbah kila mad ia ka jingkthang ia ka rukom treikam jongka.
Mynta ka sngi, u nongialam ka NPP u bah Himalaya M Shangpliang, u la ong ba u Myntri Rangbah ka Jylla Meghalaya u Conrad K Sangma u la mynjur ban weng noh syndon ia ka kam kontrak jong ka SAI Computer Limited kaba don ha katei ka thaiñ, bad ha kine ki khyndiat sngi kin sa ioh ka jingtip ba ka SAI Kompeni kan sa mih noh na katei ka thaiñ.
Katba u Bah Alvin Sawkmie u MDC ka Mawsynram Constituency u la ai khublei ia u Conrad K Sangma, uba kohnguh ban weng noh ia ka SAI na Mawsynram Block, Ranikor Block bad ka Mawphlang Block kaba hap hapoh ka Mawsynram Sub Division.
Shwa ia kane, ki sengbhalang ryngkat ki paidbah ka thain, kila byrthen ban wan kiew sha Secretariat ha Shillong ban pynbor ia ka sorkar ba ka dei ban weng noh ia kane ka kompeni kaba lum bai thang ding ha katei ka thain, namar ba ka la wanrah ka jingeh ia ki paidbah.