Shillong: Ka Joint Action Committee Muster Roll Workers Union (JACMRWU) kala kyntu ia u Chief Engineer ka tnad PWD (Roads& building) bad ka tnad PHE ka jylla Meghalaya, ban pyllait noh ïa ka tulop ki muster roll kaba dang haduh mynta.
U adviser ka seng u Bah Khroo L Pariat u la ong ba ka tulop ki muster roll hapoh PHE ka dang sah naduh Ïaiong bad u bnai jymmang katba na ka PWD (Building & Roads) ka dang sah naduh u bnai Lber, Ïaiong bad u Jymmang.
Ka jingbym ioh ia ka tulop, ka la buh ia ki longïing jongki ha ka jingeh kaba khraw nalor ba ka jingsiew kam dei kaba heh hynrei ki hap ban siew ïa ka bai ïing, ka bai skul jong ki khun bad kiwei kiwei ki jinglut ba man ka sngi.
U bah Khroo ula ong ba bun ruh ki la hap shim ram na ki dukan ban thied jingïarap bam jingïarap dih bad mynta ki bill ki dang lum nang bun.
La kyntu ïa ka tnad ba kan bud ïa ka Office Memorandum jong ka Finance Department kaba la pynmih ha ka 7 tarik Naitung 2020, kaba bthah ba dei ban siew ïa ki tulop jong ki nongtrei ha ka taïew banyngkong jong manla u bnai khnang ban ym don ka jingslem.
Ka la kyrpad ruh ban pyllait ïa ka Variable Dearness Allowance (VDA) kaba sah naduh u bnai Ïaiong 2026, ban pynïoh ïa ka Employee Provident Fund (EPF), ban kyntiew kyrdan ïa ki senior RCW sha ki kam Group-D ba lait bad ban ai ïa ka kyrdan RCW sha kiba dei hok katkum ka Meghalaya Regular Casual Workers Scheme.
Ka JACMRWU kala kyrpad jur ba dei ban pyllait noh ïa ki tulop ba dangsah shwa ka jingrakhe Behdienkhlam mynta u snem.