Shillong: U President ka Meghalaya Pradesh Congress Committee (MPCC) u bah Vincent H Pala ula kam ba ka NPP ka la sdang orpait napoh bad ka jingkad jongka kan sa nang heh shen ha kine ki sngi.
Haba kren mynta ka sngi, u bah Pala ula kam ba ka la don ka jingiapait hapdeng ki nongialam ka National People’s Party (NPP) ha kine ki sngi dang shen ha kaba iadei bad ka kam nongialam ha ka jylla.
U la kam ruh ba ka la don ka jingiapher jingmut hapdeng ki nongialam na Khasi Hills bad na Garo Hills halor ka jingioh bynta bad ka jingthungkam ia ki riew sain pyrthei ha ka sorkar. U la kynnoh ba kane ka jingiapher jingmut ka la wanrah ka jingorpait ha ka party bad shen ka lah ban wanrah ia ka jingsynjor kaban sa paw pyrthei shuh shuh ha kine ki sngi ban wan.
Ha kajuh ka por, u la kam ba ha kane ka jylla bad ha ka ri, ka Congress ka dei ka party kaba jied ki paidbah lait na ka BJP bad kumjuh ha kane ka jylla Meghalaya hadien ba kila iohi ia ki jingjia.
U la ong ba ki paidbah khamtam ki samla kila kiew ka jingdom ka jingbitar na ka jingbym biang ka kam ka jam bad ka jinghiar ka ioh ka kot bad ka kamai kajih ha kane ka sorkar kaba mynta.
La orpait ka NPP napoh, kan sa nangheh ka jingkad ha ki sngi ban wan, kam u bah Pala
