Shillong: Ha kine ki sngi, na ka jingthut ka leit ka wan sha ka thain Pynursla, ki nongwankai kila phai noh sha thain Sohra.
Ha ka jingleit iaid lynti u nonglum khubor, la iohi ba ka thain Sohra naduh Mawkdok ter ter shaduh wahrew ka Sohbar, ki la shlei bha ha kine ki sngi.
Ha ka jingshisha, ka thain Pynursla shaduh Dawki kaba dei kawei ka thain jong ki jaka jngohkai kaba khring bha ia ki briew nabar, ka la pjah slam ha kine ki sngi hadien ba ka surok narum Laitlyngkot shaduh Mawlieh ka la buh ia ka leit ka wan ha ka jingsyier na ka jingtih ka kompeni.
Ka la pyllong ruh ia ka bor jong u SDO Civil Pynursla ban pyrkhing ia ka leit ka wan ki kali sha katei ka thain ban lait na kano kano ka jingma.
Ki paidbah ka thain riwar Pynursla kila ap khmih lynti ban dep noh kham kloi ka jingshna ia kane ka surok, khnang ban kiew biang ka kam jngohkai kaba la ai kam ai jam bad ka ai ja ai doh ia kiba bun ki paidbah ka thain.
Slam kynjah ka kam jngohkai sha thain war Pynursla, shlei lut sha thain Sohra
