Shillong: Ka Meghalaya Healthcare Association Shillong(M.H.CA) ka la pynbna ban khang lut ia baroh ki dukan die dawai ha ka 20 tarik mynta u bnai Jymmang 2026 ban pyrshah ia ka jingailad die ia ki dawai lyngba ka online.
Haba kren sha ki lad pathai khubor mynta ka sngi, u president ka seng u bah David Kharsati ula ong ba kane ka sienjam ka dei shi bynta jong ka jingiakhih pyrshah ia ka jingdie dawai da ka online, kaba ktah ia ka kam jong ki dukan die dawai bad kawei pat kaban ktah ia ki nongpang.
Ia kane ka jingiakhih la pyllong ryngkat ka All India Organization of Chemist and Druggist (AIOCD), kaba dei ka kynhun ba hakhliehduh jong ki nongkhaii dawai wholesale bad retail kaba mihkhmat ïa palat 12.40 lak ngut ki dkhot ha ka ri.
Ka jingiakhih ka long ruh ban pyrshah ia ka jingkharoi ki dawai thok, bad ka jingpynsaphriang ïa ki kot doktor kiba thok ne ki bym shym la pynshisha.
Ha kane ka jingiakhih, ki dukan dawai hapoh ki hospital/nursing home kin ym hap hapoh ka jingïakhih.
Yn khang ki dukan die dawai ba jur ka jingdie online, ki dawai ba thok:MHCA
