Shillong: Ka Director General of Police (DGP) ka jylla ka kong Idashisha Nongrang ka la ong ba ka jingeh jong ki paidbah ka shnong Lapangab ka dei kaba shongnia ha kaba kila shah pynthut ha ka rep ka riang jongki.
Haba kren mynta ka sngi, ka DGP ka la ong ba ka jingwan tur jongki hynnin ka sngi sha Shillong bad na ka liang ka tnad pulit ka shim ia ka lad ka lynti kaba bha ban ai ka jingiarap ia ki, bad ka la phah ia ka SF-10 shi platoon nalor kiba la don lypa bad lada donkam lah ban phah shuh.
Ka la ong ba lada donkam ki pulit ka Meghalaya ki lah ban leit buh ia ka camp namar ba ka Assam ka ong ban pynneh ia ka status qou hynrei lada ka jinglong jingman ka dawa, ki pulit ka jylla Meghalaya kin leit buh ia ka camp sha katei ka jaka ha syndah bad ka Assam.
Lah ban kdew hynnin ka sngi, ki paidbah ka Lapangab, West Jaintia Hills kila wan tur sha ka Secretariat, Shillong ban dawa na ka sorkar ban ai ia ka jingshngain mardor ia ki paidbah kiba shah pyndik ir shi ir ha ki briew na Assam bad kiba pynjulor ia ka thung ka tep jongki.
Ka jingeh ki paidbah Lapangab kaba shongnia |Lah ban buh camp sha jan ka Assam lada dawa ka kam, ong ka DGP
