Shillong: Shi bynta ban lehkmen na ka jingjop ka BJP ha Assam, West Bengal bad ha kiwei ki jylla, ki nongialam ka BJP Meghalaya kynthup u myntri sorkar uba dei ruh u MLA ka BJP bah Sanbor Shullai, u MLA bah AL Hek, ryngkat ki nongialam kila pyllong ia ka jingialeh kmen ha ophis ka party mynta ka sngi.
Ka la don ka jingiabam mithai, ka jingiashad iakynhoi ryngkat ka jingthang bom paka haduh ba la lynguh ka phyllaw ophis ka BJP ha Bivar Road, Shillong.
Ka BJP ka la jop biang ha Assam haka sien kaba lai, bad ka la pylliem toin ia ka TMC kaba ialam ka Mamata Banerjee ha West Bengal da kaba jop kput ha ka sien ba nyngkong.
Ki nongialam ka BJP Meghayala nalor ki MLA kynthup u nongaiktien bah Mariahom Kharkhrang, u General secretary bah Wankitbok Pohshna, ka President ka BJP Mahila kong Arena Hynniewta, bad kiwei kila iashad iakynhoi, bad ka iapyrta jingjop ka BJP.
Kila kyrmen ba ka jingjop ka BJP ha Assam, ha West Bengal kan wan pur ruh sha kane ka jylla Meghalaya ha kane ka elekshon MP kaban sa wan bad khamtam ha ka elekshon MLA ha 2028.
Bam mithai ki nongialam ka BJP Meghalaya kynthup ki longkmie ba jop ka BJP ha Assam, WB
